 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Ходзіць шляхам зорным‚
Ходзіць ля прысад
Даўні‚ непакорны
Месяц Лістапад.
Штось шапоча ў вецьці
І ляціць‚ ляціць‚
Залатым амецьцем
Сыпле‚ шалясьціць.
Смуткам плешчуць хвалі
Ў Лані берагі‚
Дзе калісь луналі
Слуцкія сьцягі.
Кожную палянку‚
Кожны куст‚ ручай
Трапнай адразанкай
Бараніў Случчак.
Ў барацьбе заўзятай
Ён ня чуў пакут‚
Бараніў зацята
Свой сялянскі кут.
І плюскочуць хвалі.
Шамаціць трысьцё:
Там ахвяравалі
Случчакі жыцьцё.
Гаманілі й ветры
З гольлем верхалін‚
Зазіралі ў нетры‚
На мурог-кілім.
Ды не падлічылі
Тых палян лясных‚
Што крывёй скрапілі
Случчыны сыны.
Кліўленд - ЗША, лістапад 1962 г.
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
